БЕС АЙДА 7 МЛРД.ТЕҢГЕНІҢ ӨНІМІ ӨНДІРІЛГЕН

Аймақ
Жаңалықтармен бөлісу

Түркістан облысында бірнеше аудан болса, солардың ішінде Сайрам ауданының орны ерекше. Шымкентке жақын орналасқан. Бірнеше ұлт өкілдері мекендейді. Орталығы – Ақускент. 11 ауыл округі бар. Халқының саны 207 мыңнан асып жығылады.

Аудан ауылшаруашылығына бейімделген. Тұрғындарының дені осы салаға бет бұрып, ауданның дамуына өз үлестерін қосып келеді.

«Еңбек бәрін жеңбек» деген қанатты сөзді ұран еткен аудан тұрғындары бүгінде ауылшаруашылық өнімдерін қайта өңдеуді де мықтап қолға алған. Мәселен, аудан көлемінде  ағымдағы жылдың           5 айында өнеркәсіп өнімінің көлемі  17 миллиард 234 млн.теңгені құраған. Бұл 2017 жылдың сәйкес мерзімімен салыстырғанда 27,8 пайызға артық. Яғни, өсім бар. Оның ішіндегі өңдеу өнеркәсібі саласында 14 миллиард 900 миллион теңгенің өнімі өндірілген, өсім 32,5 пайызды құраған. Өңдеу өнеркәсібінің 49 пайызын қайта өңдеу кәсіпорындары құрайды. Қайта өңдеу саласының кәсіпорындары ағымдағы жылдың 5 айында 7,0 миллиард теңгенің өнімін өндірген, өнім көлемі өткен жылдың осы кезеңімен салыстырғанда 12,1 пайызға өскен.

Жалпы, ауданда  қайта өңдеу саласында 40 шақты кәсіпорын өнім өндірумен айналысады. Сонымен қатар 35 шақты диірмендер мен көкөніс консервілейтін цехтар, 35 шақты диірмендер мен көкөніс консервілейтін цехтар өнім өндіреді.

Добавить комментарий

Ваш e-mail не будет опубликован. Обязательные поля помечены *